PRÈMIS 2018 LLANTERNA DIGITAL
   
    Inici  |  Llanterna Digital  |  Basas  |  Notícies  |  Òbras presentadas  |  FotosTV   |  Edicions anteriores  |  Descargues  |  Facebook
català · occitan
   
 
     
  BASES
 
    
Formularis d'inscripcion
 
 
1. PRESENTACION

Los Prèmis Llanterna Digital vòlon contribuir a la promocion de l’usatge del catalan e de l’occitan a travèrs de cortmetratges, totjorn amb contenguts sus la lenga, en un sens ample e dempuèi quina perspectiva que siá.

Aquestes prèmis convidan a far una reflexion sus la lenga, amb engenh e originalitat, en tot profechar del potencial dels mejans numerics, amb qualitat artistica e respècte per la lenga.



2. CATEGORIAS

S’establisson tres categorias:

1. Centres d’educacion primària. Lo centre es lo que concorrís al prèmi, a travèrs de la participacion de l’escolan o del grop d’escolans que realiza lo cortmetratge, representats per un mèstre o un professor.

2. Centres d’educacion segondària. Lo centre es lo que concorrís al prèmi, a travèrs de la participacion de l’escolan o del grop d’escolans que realiza lo cortmetratge, representats per un mèstre o un professor.

3. Membres de la comunitat universitària. S’i pòdon presentar d'òbras d’autoria individuala o de grop, amb un limit de quatre realizators o realiztrises.

4. Obèrta. S’i pòdon presentar d'òbras d’autoria individuala o de grop, amb un limit de quatre realizators o realiztrises. 

Per participar dins la categoria Membres de la comunitat universitària e dins la categoria Obèrta cal aver la majoritat (18 ans) lo jorn de presentacion de l’òbra al concors. Per la categoria Membres de la comunitat universitària caldrà presentar los documents oficials que demòstren la vinculacion de totas las personas inscritas coma responsablas del cortmetratge a un centre universitari dins lo periòde de presentacion de l’òbra.





3. REQUISITS

3.1 Cal que las òbras sián originalas.

3.2 Cal que la lenga siá lo catalan o l’occitan, en quina varianta que siá, o, siquenon, i cal apondre de sostítols en una d’aquestas lengas.

3.3 Durada de las òbras:

a) Òbras d'una durada non superior a 3 minutas, per las categorias de Centres d'educacion primària e segondària, e per la modalitat de la categoria Obèrta.
b) Òbras d'una durada superior a 15 minutas, en la categoria de Comunitat Universitària e en la modalitat de la categoria Obèrta.

Los cortmetratges devon comprene, almens, una presentacion amb lo títol de l’òbra e de credits que ne mòstren l’autoria. Dins lo cas de les categorias de centres d’educacion primària e segondària, la durada de la presentacion e dels credits non es compresa dins la durada totala del cort.

3.4 Las òbras se devon presentar sul format digital.

3.5 Las personas responsablas de las òbras devon garantir que dispausan de tots los dreches per l'utilisacion dels divèrses elements que i apareisson (d'images, de musica...).





4. PRÈMIS

4.1 S’establís un prèmi per categoria, dins la modalitat de fins a 3 minutas, e un prèmi per la modalitat de fins a 15 minutas.

a) Fins a 3 minutas:
- Centres d’educacion primària: guerdon e una videocamèra digitala, o un lòt de produits audiovisuals de valor equivalenta, pel centre, e un present per cada membre de l’equipa d'autors.
- Centres d’educacion segondària: guerdon e una videocamèra digitala, o un lòt de produits audiovisuals de valor equivalenta, pel centre, e un present per cada membre de l’equipa d'autors.
- Obèrta (Prèmi Segre): guerdon e 700 èuros.

b) Fins a 15 minutas:
- Comunitat universitària: guerdon e 700 èuros.
- Obèrta (Prèmi Plusfresc): guerdon e 700 èuros.



Los responsables de las òbras premiadas recebràn una acreditacion documentala dels resultats del concors. Pels centres d’educacion primària e segondària, la recebràn totes los centres que i an participat.

Sus la soma totala dels prèmis se'n descomptarà la partida dels impòstes aplicables.

4.2 S’establís un prèmi extraordinari, atribuït per votacion populara a travèrs del sit web, a l'òbra melhora. Aqueste prèmi es lo Guerdon Llanterna Digital. Las votacions se podràn far del 9 fins al 29 de mai de 2018, en mandant un corrièr electronic, sens tèxt mas amb l’afar que siá lo títol del cortmetratge que se vòta, a l’adreça llanternadigital@gmail.com. Se computaràn sonque un maximal de dos vòts per una meteissa adreça de corrièr electronic.

4.3 Las òbras premiadas se faràn publicas durant la ceremonia de liurament dels prèmis, que se debanarà la primièra quinzena de junh, a Lleida. Lo jorn, luòc e ora d’aquesta ceremonia se comunicaràn, oportunament, a las personas participantas a travèrs dels mejans de comunicacion abituals.

4.4 Las òbras premiadas seràn projectadas dins los concorses cinematografics que l’organizacion i pòsca establir d'acòrds de collaboracion, o en quin autre espaci que siá que servisca per far conéisser los trabalhs premiats.


5. TÈRME DE PRESENTACION DE CUERTES

Fins al 30 d'abril de 2018.


6. PRESENTACION E ADMISSION AL CONCORS

6.1
  Per participar al concors cal emplir lo formulari correspondent a cada categoria que i a dins www.llanternadigital.cat e, en seguissent las instruccions que se tròban dins lo pròpri formulari, cal l'enviar telematicament e, posteriorament, un còp signat, lo far arribar a l’organizacion per corrièr postal o escanerizat. Las òbres se devon far arribar en supòrt CD o DVD, o en indicant una adreiça per las descargar, a la Direccion Generala de Politica Lingüistica en Lhèida (Rambla d'Aragó, 8. 25002 Lhèida). Se l'òbra se deu descargar, se considerarà pas presentada pendent que se recebrà pas la confirmacion de la part de l’organizacion del fach que la descarga es estada facha amb succès.

6.2 L’organizacion farà una seleccion de las òbras admesas al concors per ne verificar l’adeqüacion a las basas. L’admission se comunicarà per corrièr electronic.

6.3 Las òbras admesas se podràn conéisser a travèrs del sit web www.llanternadigital.cat.



7. JURAT

7.1 Lo jurat serà constituit per de representants dels divèrses organismes e estructuras partenaris de l’organizacion o que i collabòran.

7.2 Lo jurat avalorarà l’aportacion de las òbras a la reflexion sus la lenga, l'originalitat del tractament dels contenguts e la qualitat artistica.

7.3 Dins lo cas que lo jurat considère que cap de las creacions presentadas a una determinada categoria o modalitat non capita d'aver la qualitat minima, lo jurat podrà declarar lo prèmi desèrt.



8. PROPRIETAT DE LAS ÒBRAS

8.1 Las òbras admesas al concors seràn proprietat de las personas inscritas coma realizadoras.

8.2 Sens perjudici del punt 8.1, las personas proprietàrias de las òbras ne cedisson los dreits en favor de l’organizacion dels Prèmis Llanterna Digital e l’autorizan exprèssament perque las pòsca difondre, per quin mejan que siá que considère apropiat, dins lo quadre de las siás accions de promocion e difusion dels prèmis.



9. OBSERVACIONS

9.1 L’organizacion se resèrva lo dreit de non admetre a concors las òbras que non s’adapten a las basas.

9.2 L’organizacion pòt resòldre quin dobte que siá qu'aparesca dins l'interpretacion de las basas de la manièra que considère mai corrècta.

9.3 La presentacion d’una òbra als Prèmis Llanterna Digital 2017 engatja los participants d'acceptar totes los punts de las basas.

9.4 Tot dobte que siá sus aquestas basas se podrà demandar a l’organizacion a travèrs de l’adreça electronica llanternadigital@llanternadigital.cat.


10. ORGANIZACION

Los Prèmis Llanterna Digital son organizats per la Coordinadora de Serveis Lingüístics de Lleida, qu'es integrada per de representants de la Direccion Generala de Politica Lingüistica; del Consorci per a la Normalització Lingüística, CNL de Lhèida; dels servicis territorials d’Ensenhament, de Santat e de Justícia de la Generalitat de Catalonha; de l’Institut de Lengas de l'Universitat de Lleida; de l’Escola Oficial d'Idiomes de Lleida, e del Servei Lingüístic de Comissions Obreres.
 
 
 
 
 
    Organizacion: I collabòran:    
 

 

       
    Coordinadora de Servicis Lingüistics de Lhèida